Шинжлэх ухаанд мөргөлийг тайлбарлахдаа хөдөлгөөнд нь 200 гаруй гимнастикийн элемент багтсан байдаг гэжээ.
Эмч нар өдөрт 108 удаа сунаж мөргөхийг зөвлөх болж. Турж, эрүүлжин, гоолиг болохыг хүсэгчдэд ч энэ аргыг зөвлөж байна. Дундаж хурдаар хийхэд 108 удаа сунаж мөргөхөд 15-20 минут зарцуулдаг. Өглөө, өдөртөө хоёр удаа хийж заншвал тун сайн гэнэ.
Мэргэжилтнүүд хэлэхдээ долоо хоногтоо гурван удаа идэвхтэй хөдөлгөөн хийж байх хэрэгтэй гэдэг. Тэгвэл БНСУ-ын эмч, доктор Ким Жэйсон “108 удаа сунаж мөргөхийн ач тус”-ыг ингэж зөвлөжээ.
Тэрээр мөргөлийн ач тусыг байгалиас заяасан хоёр дахь хөдөлгөөн гэж нэрлээд: :Энэхүү дасгалыг хийхэд хүний өвдөг, тохой, магнай гээд бүх зүйл газарт хүрээд буцдаг. Харахад амархан энгийн мэт боловч үр дүн нь гайхалтай. Мөн энэ дасгалыг хүссэн үедээ хаана ч хийж болно. Дөрвөн жилийн өмнөөс энэ дасгалыг хийж эхэлсэн нэгэн залуу ингэж ярьсан юм. Тэр найзаасаа сонсч л дээ. Гэхдээ анх сонсоод итгээгүй байна. Гэсэн ч үр нөлөө нь шууд гарч эхэлжээ. Өглөө сэрэхэд хэцүү байдаг байсан бол долоо хоногийн дараа л би өглөөтэй өөрөөр мэндэлдэг болсон. 2 сарын дараа миний шингэхэн үснүүд өтгөн сайхан болсон. Бас миний нурууны архаг өвчин нэг ч зүү тавьж эмчлээгүй байхад ул мөргүй алга болсон гэж байв” хэмээв.
Тэрээр энэхүү 108 удаа сунаж мөргөх тухай маш олон баримт цуглуулж, судалж өдөрт 108 удаа сунаж мөргөхийн ач холбогдол нь шинжлэх ухаанаар батлагдсан бөгөөд артерын судас хатуурахаас сэргийлж, холестриныг бууруулж, түүнчлэн хэвлийн таргалалт үүсгэдэг гол хүчин зүйлийг ихээр бууруулдаг нотлогджээ.
Сэтгэцийн гаралтай өвчинд маш сайн. Доктор Ким гэр бүлийн хамт энэ аргыг туршиж үзсэнээр маш олон өөрчлөлтүүд гарч байгаа тухай ярьжээ.
“Манай гэрийнхэн өглөөг маш сайхнаар эрч хүчтэй угтдаг болсон. Бидний гэр бүлийн харилцаа улам л таатай болж байна. Би хүүхдүүдээ загнаж, шийтгэхийн оронд хамтдаа 108 удаа сунаж мөргөдөг болсон” гэжээ.
Тэрээр энэ сэдвээр “10 минутанд биеийг минь өөрчлөх гайхамшигт дасгал” номыг бичсэн байна.
Судрын ёсны номонд мөргөл үйлдэхийн 8 ач тусыг ийн тайлбарлажээ:
Хойд төрлүүддээ эрхтэн бүрэн төгс сайхан биеийг олох болно. Цаг ямагт тус дэм үзүүлэх нөхдөөр төгс хүрээлэгдэж санасан бүхэн чинь сэтгэлчилэн бүтэх болно. Хойд төрлүүддээ цэвэр ариун ёс суртахуунт бүхий болно. Сүсэг бишрэлтэй амьдрах болно. Бусдын төлөө ихийг хийх, хамаг амьтныг хөтлөх үүрэг хариуцлагыг хүлээх зориг зүрхтэй болно. Бусдыг удирдах болно. Тэнгэрийн болон хүний төрлийг олох болно. Дээдийн мөрд орох буюу шашинтай уулзах болно. Бурханы хутгийг олж гэгээрэх болно.
